Mangkukulam.comKababalaghan at Alamat

Aswang

Aswang from Filipino Folklore

Basahin Ang "Awang" Sa English

Gabing madilim, kumakahol na aso, ibong malaki, malamig na hangin na dumadampi sa iyong balat, at ang pakiramdam mo ay may sumusunod sayo….

Ano kaya yun? Di kaya, aswang yun???..

Ang aswang ay kwento na nagpasalin-salin sa henerasyon ng mga ninunong Pilipino, lalo na sa mga rural na lugar ng Pilipinas. Kung saan madalang pa ang mga nananahan at makaluma pa ang pamamaraan, pamumuhay at paniniwala ng mga tao.

Mga Panguntra Upang Hindi Malapitan Ng Aswang

Ang aswang ay kalimitang pinaniniwalaang kumakain ng lamang loob ng tao katulad ng puso o atay. Ang iba ay buntis ang ginagawang biktima. Ang sanggol na nasa sinapupunan ng ina ay malakas sa pang amoy ng mga aswang. Sa gabing madilim, sila ay nag aanyong hayop, katulad ng aso, pusa, o ibon upang hindi mamalayan ng mga tao na sila ay nasa paligid lang. Ang sariwang dugo ng tao ang isa sa kanilang pagkain. Karaniwang pangontra sa aswang ay ang bawang o asin. Sinasabitan ng bawang ang bawat sulok ng bahay, bintana at pintuan. Ang asin ay isinasaboy sa may pintuan at iba pang parte ng bahay. Walis tingting ay dapat nakalagay sa may pintuan ng pabaliktad. O kaya ang iba naman ay sa silong ng bahay. Ang makalumang bahay noong unang panahon ay kadalasan may silong.

Mga Panguntra

Ang ibang pangontra na ginagamit ay ang buntot ng pagi.

Bala ng baril o anumang tanso na ginagawang kwintas ng isang buntis ay isa pang pangontra upang hindi makalapit ang aswang. Kapag may narinig na huni ng ibong tikling sa gabi, ito ay nangangahulugang may aswang sa paligid. Kasabay ng walang humpay na pagtahol ng mga aso.

Ang bangkay ay ninanakaw at kinakain ang lamang loob. Ang kamamatay na tao ay isa sa kanilang hinahanap para maibsan ang kanilang pangangailangan.

Mga palatandaan Kung Siya Ba Ay aswang

Sa araw ay isa silang normal na tao. Kung papansinin, kapag sila ay naglalakad at makakasalubong , ang kanilang ulo ay nakatungo at hindi makatingin ng diretso sa tao. Mailap ang mga mata. Bihirang makipag palitan ng usapan. Hindi mahilig makihalubilo sa karamihan. Palaging nasa kanilang tahanan sa araw.

Ang isang aswang ay hindi namamatay ang katawang tao hanggat hindi nya naipapasa o naipapamana ang kapangyarihan sa kanyang anak. Naipapasa lamang ito sa anak na buong puso ang pagtanggap sa kapangyarihan.

Mga Uri Ng Aswang

May aswang na lumilipad at may tinatawag ding aswang na ‘’baklay’’ o ito ay naglalakad lang.

Pangkaraniwang tao sa araw, nag iibang anyo pagsapit ng dilim.

 

kung gusto nyo malaman ang iba pang pagontra click lang dito

Kwentong Aswang

Meron kang kwento? Gusto mong share?

Ibahagi Ang Iyong Kwento



#5: Guest #1092 (Mackie) - at 05:00 on 14 Dec 2019


Ako po ay nag lalakad isang gabi para kitain ang nobyo ko sa labas ng aming sabdivision bandang alas diyes pasado ng gabi dun sa subdivision na un is me kalahating lugar na me mga nakatirik na mga squater bale dun ako napadako sa kadahilanang sa aking pakiwari ay mas mapapdali kong marating ang labasan ng subdivision...napadaan ako sa lupang nakatiwangwang sa gilid ng gater at puro matataas na talahib lang...napuna ko sa talahib me sumusunod sakin sa kadahilanang kada ako ay lalakad ay ganun rin ang tunog ng talahib kung ako ay hihinto ay hihinto rin ang tunog ng talahib di ko maintindihan kung ano meron sa talahib pakiramdam ko ay isang malaking anaconda sa sobrang bilis at ang pag hawi at tunog ng talahib so bale maka ilang ulit ng ganun ng ganun ang aking naririnig kung ako ay hihinto sa aking pag lakad ay ganun rin ang talahib, ang aking ginawa ay lumipat ako sa isang kabilang kalsada dahil iba na ang aking pakiramdam...napapabalita pa naman na dun sa mga squater area is hindi na yun mga lihitimong taga Laguna ang mga nakatira sila ang mga dayo na lang na sumulpot sa Laguna, ito ay nangyari mga taong 1999. Pasensha na at kung hindi ko man naibahagi ng ng maayos ang aking kwento sa kadahilanan ito ang unang pag kakataon kong maibahagi ang aking karanasan...

#4: Guest #1032 (ghoul) - at 10:59 on 04 Jan 2019


Ang ate ko ay nagka sakit pumunta kami sa albularyo ang sabi nito ang ate ko daw ginawang aswang gumawa nito ay ang asawa niya at ang mama ng asawa niya.ang sabi ng albularyo nung pumunta ako sa kanila pinakain nila ako ng gulay na merong mantika ng tao.posible bang maging aswang ri ako

#3: Guest #649 (Ench) - at 21:16 on 30 Sep 2017


Sige ibahagi mo

#2: 11 - at 05:01 on 05 Dec 2016


Tungkol sa kapitbahay namin,nkpadlock n lhat ng pinto at gate sa ng bahay ng amo nya.Isa syang katulong,naalimpungatan ang amo nya at bumaba upang mgbanyo.nagtaka sya dahil wala dun ang katulong nya,hinanap nya saan sulok ng kabahayan.Paano makakalabas kung ang susi ay nasa amo nya?Mghahatinggabi yun,binalewala lang ng amo nya ang pagkawala nya sa bahay.Kinabukasan pagkagising ng amo nya,nakita nya ang katulong nya nakahiga sa sala.tulog,puro dugo ang bibig.Nung ginising niya para tanungin kung ano nangyari,hindi sumagot ang katulong nya.Pinandilatan lang sya ng mata,matatawag na ba natin na aswang ang katulong nya sa pangyayaring ito???

#1: Guest #206 (Josephine Inclan) - at 17:59 on 16 May 2016


Gusto kong ibahagi sa inyo ang kwento ko, tungkol sa pag katao ko.